Х1ора а шарахь,25 апрелехь,вайн республикехь даздеш ду Нохчийн меттан де.Бакъду,нохчийн меттан де 25 апрель делахь а,нохчийн маттана леринчу даздарша,мероприятеша берриге а бутт д1алоцу.Цу баттахь дешархоша шайн хьуьнарш,хаарш къовсу,нохчийн шира кхачанаш кечбо. Кху шарахь,дерриге дуьненахь санна,вайн республикехь х1оьттина хьал бахьана долуш дешаран учрежденеш дистанционни дешар т1е евлла.Х1оьттинчу хьоле ца хьовсуш,тхан дешархоша а, хьехархоша а лакхарчу т1ег1анехь д1адаьхьира нохчийн мотт даздаран де. Муьлххачу а къомо санна,нохчийн къомана дахаран хазна ю шен мотт.Вайн мотт ч1ог1а бехаш бу.Цуьнан хазалла йийцина а вер вац.Вайн маттахь язйина оьрсийн а,кхечу къоман а яздархойн произведенеш дуьненахь а евзаш ю.Цхьа а шеко йоцуш,нохчийн къомо шен маттах дозалла до.